#ZabilianZ July 14, 2026: Food, Civil Supplies & Consumer Affairs Minister B. Lalchhanzova'n Mizorama rod size tlinglo zawrh thin tihtawp dan tur chungchang a kaihhnawih mipawimawh te a sawipui a. Iron rod zuartu company te hnenah rod size dik chauh Mizorama lalut tura hriattirna leh vaukhanna ziaka pek ni se, an ti.
He hmalakna hi Mizoram hmun tam takah iron rod te danin a bituk aia tê hralh a awm nia thudawn bawhzuina a nih thu FCS&CA Minister chuan sawiin, "lirnghing nasatna laia awm kan nih avangin in sak nana rod kan hman te chu a len zawng, a rih zawng leh a chak lamah te mithiam ten a nih tur ang an duan chu a tling pha ngei ngei tur a ni", a ti bawk.#zabilianznews
He thutkhwmah hian Mizoram Civil Engineers’ Association leh PWD aiawh ten rod size tlinglo hman a hlauhawm dan te sawiin, mipuiah a tam thei ang ber puanzara, mipui te pawhin an rod leiah fimkhur se an duh thu an sawi a. Minister hova thukhawm chuan hmalak dan tur kawng hrang hrang awm thei te sawihovin mipui himna tura chak zawka hmalak an rel a ni.
BIS te nena thawhhona tihchak ni se, an ti a. Mizorama rod size diklo zuar te leh chutiang ti tura hmalatute zawng chhuak tura chak taka hmalak ni pawh relin, hriattirna tihchhuah a nih hnu pawha tilui te chu rod zuar an ni emaw, rod company an ni emaw, an chungah hremna lek ngei ni se, an ti bawk.#zabilianz #zabilianznews #zofatehuapzo
0 Comments