#ZabilianZ July 23, 2026: Health Minister Lalrinpuii'n Civil Hospital Aizawl-a kal thlak (kidney transplant) bultanna tura sum mamawh belh Rs. nuai 48 vel Finance department-ah dil mek a nih thu a sawi.
Civil Hospital Aizawl-in faina kawnga an tihthat avanga sorkar laipui atanga Kayakalp award 2025-2026 a dawn lawmna nimina neihah he thu hi Health Minister chuan a sawi a. "Trauma Centre (Casualty) building thar chung sak zawmna tur pawh CSR atanga hmuh kan inbeisei" a ti.#zabilianznews
P&E department-ah Civil Hospital Aizawl electric power line tichak tura dil a nih thu leh a senso tur Rs. nuai 109.43 pawh Finance deparmtent-in a pawm tawh thu Health Minister chuan a sawi a. Trauma Centre atan Diesel Generator thar buaipui mek a nih thu a sawi.
Civil Hospital Aizawl-ah hian nikum June thla khan MRI khawl bun a ni tawh a. Kumin January khan X-Ray khawl thar, printer kengtel Horizon 630mA an nei leh a. Kumin vek June thla khan Trauma Centre-ah X-Ray khawl thar 630mA tho leh Ultrasound khawl thar leh a kentel thil dang te an nei leh bawk.#zabilianz #zabilianznews #zofatehuapzo
0 Comments