'Mipui Aw' kaltlanga lungawilohna thlen 672 zinga 613 chingfel tawh

#ZabilianZ July 22, 2026: Sorkara lungawilohna nei ten an thlenna tur 'Mipui Aw' - February ni 16, 2024-a Chief Minister Lalduhoma'n a tlangzarh hnuah mi 672-in 'Mipui Aw' kaltlangin lungawilohna an thlen tawh a, 613 chinfel a ni tawh.

Department of Personel & Administrative Reforms (DP&AR)hnathawh thlirletna Chief Minister Lalduhoma hova neihah he thu hi tarlan a ni a. Mipui lungawilohna thlen 672 zinga 45 chu chinfel mai theih loh, hun duh rei chi nia tarlan a ni bawk.

Sorkar dept. te chu e-office hmang vek tura hriattir ni tawhin, secretariat-a administrative dept. zawng zawng bakah dept. dang pakuain e-office an hmang tawh a. Right to Public Services Act pawh online-a kalpui niin, tihhlawhtlin theih service chauh dah a pawimawh thu Chief Minister hova thutkhawmah hian tarlan a ni.#zabilianznews

MPSC-in kum 2025-2026 ah exam vawi 142 buatsaihin, result 57 an puang a. Dept. zawng zawngin hna hniam lam pawh MPSC zelin la se an duh tawh nia tarlan niin, MPSC tichaka hnathawktu tam zawk pekin kawngdanga sorkar hna lak kalpui aia sorkar senso a tlem zawk thu leh chak taka bawhzui a tul thu tarlan a ni bawk.

ATI-in kum 2025-2026 ah training chi hrang 84 buatsaihin, mi 2389 an tel a. Chief Minister hova thukhawm hian ATI chuan organised service officer te a huhovin training pe thin tawh se, an ti bawk a ni.#zabilianz #zabilianznews #zofatehuapzo