#ZabilianZ Aug 3, 2026: Dy. Chief Minister leh UD&PA Minister hlui Tawnluia'n Parking House Support Scheme (PAHOSS)-ah eirukna a awm lo nia sawiin, "Court-ah thiamlohna tur kan nei lova, kan fihlim", a ti.
MNF party chhung inkhawm vawiina neihah he thu hi sawiin, Tawnluia chuan February ni 6, 2019-ah PAHOSS bul an tan thu a sawi a. "Rs. nuai 159 sengin lirthei 423 dah theihna kan sa" a ti. Budget-ah Rs. nuai 7002 dah a nih thu leh Rs. nuai 6139 sanction a nih thu sawiin, "Rs. nuai 1152 kan hmang" a ti a. "Covid hri leng avangin a chet zui theih ta lova, Rs. nuai 4900 kan hmang bang a, K-Deposit-ah dah a ni" a ti bawk.#zabilianznews
Chief Minister-in remna thuthlung chungchang kar kaltaa Mizoram Law College-a a sawinaah Mizoram leh India sorkar inremna ni lovin MNF leh Central Home Department inremna zawk nia a sawi chu thu diklo a nih thu Tawnluia chuan a sawi a. Kha inremna kha India sorkar aiawhin Home Secretary R.D Pradhan leh Mizoram UT Chief Secretary Lalkhuma ten hming an ziahhnan a nih thu leh Chief Minister thusawi chungchangah hian MNF party hruaitu ten naktukah thutkhawm an koh thu a sawi.
ILP chungchangah pawh Chief Minister-in dawih aw a chhuah nia sawiin, "remna thuthlunga ziah a nih angin, state sorkar min rawn a ngai dawn a, keini chuan thlahdul kan phal ngai dawn lo" Tawnluia chuan a ti bawk.#zabilianz #zabilianznews #zofatehuapzo
0 Comments