#ZabilianZ Aug 3, 2026: ZPM Adviser B. Lalchhanzova'n ZPM party chhung an buai nia sawi awm thin chungchang sawiin, "ZPM hi buai tak chunga din a ni a, mahse a buai lo zawng hlirin kan la kal" a ti.
ZPM party chhung inkhawm vawiina neihah he thu hi B. Lalchhanzova chuan a sawi a. ZPM party chu ram veitu ten Pathian hnena nasa taka ṭawngṭaia an dil chhuah niin a sawi.
Supply Minister ni bawk B. Lalchhanzova chuan sorkarna an chan tirhin kudam tam tak ruak aṭangin bul an ṭan niin a sawi a. Retailer ten thla tina buhfai an sem bang, a thla leh atana sem tura dahṭhat -carry over- an tih chu April 2024 atangin mumal deuhin an kalpui ṭan chauh niin a sawi.#zabilianznews
April 2024 atanga March 2026 (thla 21) chhungin Buhfai quintal nuai 1, sang 5 leh 973.19 an hum tawh nia sawiin, "hei hi open market procurement rate - quintal khat Rs. 3590 anga chhut chuan Rs. vbc 38 man lai a ni" a ti a. "Carry over hman hma kum 2023 kha chuan kum khatah buhfai venhim zat quintal 4104.67 chauh a ni" a ti bawk.
Retailer 1266 an awm mek thu Suply Minister chuan sawiin, "ZPM a sorkar tak avanga retailer ṭanglai ban an awm ka hre lova, dan ang takin an term an hmang zo zel a ni" a ti a. Ration card var hmang mi nuai 3, sing 2 leh 523 awm mekin, card sen hmang mi nuai 1, sing 2, sang 1 leh 693 an awm a, ration card var leh sen hmangtu belhkhawmin mi nuai 4, sing 4, sang 2 leh 216 (zaa 37.7) an nih thu sawiin, Ration card eng leh pawl hmang mi nuai 7, sang 8 leh 191 an awm mek thu a sawi bawk.#zabilianz #zabilianznews #zofatehuapzo
0 Comments