#ZabilianZ July 24, 2026: MNF thalai President Gogo Lalremtluanga'n social media lamah diklo taka puh a nih thu sawiin, vawiin khan Cyber Crime Police Station, Aizawl-ah FIR a thehlut a. Chief Judicial Magistrate hnenah criminal complaint a thehlut bawk.
Kum 2016-ah diklo taka puh a nih thu leh he puhnaah hian October ni 16, 2020-ah Court-in thiam a chantir tawh thu Gogo Lalremtluanga chuan a sawi a. Court-in thiam a chantir tawh hnu ah tunhnaiah social media leh digital platfor dangah sawi thar leh an awm nia sawiin, hma a la ve ta niin a sawi.#zabilianznews
Thu diklo a darh avanga a zahawmna tihchhiat a nih thu sawiin, a zahawmna hum tura court rorelna dik dila hma la a nih thu a sawi a. He thil thleng hi midang te tan pawh zirlai tha tak a niha, Court-in thiam a chantir tawh te sawichhiata puhchhiat zui leh chu danin a phallo tih mipuiin an hriat thar lehna atana hma la a nih tel bawk thu a sawi.
Chief Judicial Magistrate Court, Aizawl-ah pawh remchang hmasaah civil complaint a la thehluh tur thu Gogo Lalremtluanga chuan a sawi bawk.#zabilianz #zabilianznews #zofatehuapzo
0 Comments