ZabilianZ

#ZabilianZ July 31: Kan ram politics kan thlir chuan zirchian kher pawh ngai lovin 'dawt' a langsar hle a. Dawt hmanga mipui rilru hruaipen tumna, dawt hmanga mipui hip tumna, dawt hmanga inbeihna leh a dang dang te hi kan ram thanmawhbawk tam tak zinga langsar pawl a ni ngei ang. Tunhma atang tawhin kan ram hruaitute pawhin mipui hriatah thudik ziktluaklo an sawi fo tih kan hre tlang theuh a, hei hian mipui rilru ah a tha lo zawngin nghawng tam tak a neih theih avangin a pawi hle a ni. Ram hruaitu chuan mipui hriata a thusawi tur fimkhur leh zual sela, sorkar hmalakna thenkhat phei chu a puanzar lam hmanhmawh lutuk loh tha zawk te pawh a awm thei. Mipui lam pawhin hma la lo angah lo chhuah nghal mai thin lo bawk ila. Kan ram hruaitu tam takin dawt sawi chan an chan thinna tam tak chu an hmalakna thenkhat a chian tak tak hmaa mipui hriat theih tura an sawi thin vang a ni. Hemi kawngah hian kan ram hruaitu ni mek te pawh an fimkhur a tha awm e.#zabilianz Kan ram politics-ah thu

#ZabilianZ July 30: Mizoram State Project Monitoring Committee (MSPMC)-in vawiin khan Civil Hospital, Aizawla Trauma Centre building sak mek tlawhin an enfiah a. Resource base programme siama chak zawka hna kalpui dan tur te a mawhphurtu department leh contractor te an sawipui. Sorkar thuchhuahin a tarlan danin Civil Hospital Aizawl Trauma Centre sakna project sum hi sorkar laipuia Health & Family Welfare Ministry atanga Rs. nuai 121.50 leh Mizoram sorkar atanga NEDP sum Rs. nuai 450 avaiin Rs. vaibelchhe 5.71 ruahman a ni a. Nodal & Executing deaprtment chu Directorate of Hospital & Medical Education a ni. Civil Hospital Aizawl Trauma Centre sak hna hi M/S Parimal Projects, Secunderabad, Telengana-in thawkin, February ni 17, 2022 ah a sak hna an tan a, February ni 16, 2024 a zawh tura ruahman ni mahse, hna za-a 66 chauh an la zova. Sorkar thuchhuahin a tarlan dan chuan Covid-19 leh a hmunhma ram buai avangin hnathawh hun pawhsei dil mek niin, ruahman dan chuan ni February

#ZabilianZ July 30: Adiviser to Chief Minister (Political) Lalmuanpuia Punte hovin district hrang hranga nodal officer ten vawiin khan scheduled tribe certificate pekchhuah dan rualkhai zawka kalpui dan tur an sawiho. Mizorama scheduled tribe certificate pekchhuah danah nakin zela hnam tana pawi thei leh inven tulna lai te sawihovin, fimkhur lehzuala pek chhuah dan tur te an sawiho a. Mizorama scheduled tribe awm ten certificate an lak chhuah dawnin form awmsa zulzuia dik tak leh fel taka scheduled tribe certificate an neih theih dan tur an sawiho a ni. District hrang hrang atanga nodal officer kalkhawm te chuan anmahni district huamchhung theuha uluk leh fimkhur taka scheduled tribe certificate pek chhuah dan an kalpui thu leh hmalam hun atana thil tul hrang hrang nia an hriat te an sawi a. An lo kalpui tawh dan te an ennawn bawk. Sorkar official ten Mizorama scheduled tribe certificate pekchhuah dan an ennawn chungchang hi ZPM Gen. Hqrs-a Media, IT & Publicity Department chuan th

#ZabilianZ July 30: Congress thalai-in vawiin khan District Institute of Education & Training (DIET) Principal leh thawktute chênna (Quarters) sak  thar tlawhin, DIET Quarters thar luahtu zingah DIET quarters-a chêng tur ni lo, Chief Minister Lalduhoma Campaigner a awm niin an sawi. MPYCC chuan DIET quarters sak thar chu DIET hotute kuta hlan a nih tawh thu sawiin, staff-te chenna tura ruahman a ni a, staff quarters indaihlohna a nasa hle niin an sawi a. Thu an zâwtfiahna ațanga a lan danin, he quarters-a awm hming tumtu chu Lalthansanga, ZPM party-a nihna sâng tak PAC Member ni tawh leh tuna Adviser ni mek a nih thu Congress thalai chuan an sawi a. An chhungkaw member zingah sorkar hnathawk emaw, DIET a thawk emaw sawi tur an awm lo tih an finfiah nia sawiin, Chief Minister Lalduhoma sawipui leh awm tir a nih thu an dawng niin an sawi. Congress thalai President Laltawnliana chuan "a luah tûr ni lovin he quarters an luah hi a pawi hle a, a rang thei ang bera inthiar chhuak tur

#ZabilianZ July 30: MNF, Serlui North Block-in Assam-in an police-te awlsam leh nuam zawka an inkalpawh theihna turin Mizoram lam an lai nasa niin an sawi. Hemi chungchang hi thuchhuah siama tarlangin MNF, Serlui North block chuan Assam chuan Vairengte Sabual muala Phirthanga leilet an laih thu leh J. Samuela huanah pawh JCB/Hitachi hmangin kawng an lai thar nasa hle niin an sawi a. July 29,2024-ah Home Minister-in an sorkar hnuah ramriah status quo bawhchhiatna thar a la awm lo nia an hriat thu thuthar thehdarhtute hmaah a sawi nia sawiin, "Vairengte mipuite kan rilru a na hle a ni" an ti. MNF, Serlui North block chuan "Mizoram Home Minister-in 'status quo chhungah hma thar lakna a awm lo' ti mahse, nimin ngei pawh khan Assam sorkar chuan Vairengte Aitlangah kawng a la lai reng a ni tih Home Minister hian a hre lo der nge Mizoram sorkar hriat ruk puiin Assam sorkar hian kawng an lai tih hi kan zawhna a ni" an ti a. "Kan Home Minister hian Zoram mipui h

#ZabilianZ July 30: Aam Aadmi Party (AAP), Mizoramin Delhi Chief Minister, AAP Convener ni bawk Arvind Kejriwal chu BJP sorkar hnuaiah diklo taka man nia sawiin, chhuah zalen thuai an phut. AAP Mizoram chuan vawiin khan Aizawl Press Club-ah thuthar thehdarhtute kawmin, India ram hmun hrang hrangah diklo taka Arvind Kejriwal man a nih duhlohna chu INDIA Alliance hmalaknain lantir mek a nih thu an sawi a. "Mizoram AAP te pawhin a rang thei ang bera Arvind Kejriwal hi chhuah zalen turin BJP sorkar hi kan beiseia, kan phût tlat a ni" an ti. Delhi Chief Minister, Arvind Kejriwal chu BJP sorkar hnuaia Agency hrang hrang ten diklo taka case siamsakin, March 21, 2024 atang khan Jail-ah dah a ni, an ti a. "Bail theihlohna tura harsatna hrang hrang vawiin thlenga an siamsak reng hi hriatthiam har kan ti takzet a, ni. Hetiang reng renga opposition party hruaitute, sorkar agency hmanga beih tawk hi India ramin zalenna a hmuh hnuah an la awm ngai lova, hei hian kan ram democracy hnua

#ZabilianZ July 30: Land Owner’s Association, Kolasib district, (Package 3-8), Kawnpui-a kalkhawmin, Forest Act 1955 tlawhchhana Roadside Reserved Forest (RRF) Notification 1965 High Court-in ni 27 Jan, 2021-a lo hnawl/nuaibo tawh, tunhnaia Supreme Court-in tinung leh tura stay order a tih chhuah chungchangah resolution an siam. Roadside Reserved Forest (RRF) chhunga cheng te dinhmun (ownership of land) hi sawrkarin tichiang vat rawh se, an ti a. RRF Notification a nun leh tak avangin Forest ram chhunga cheng te pawh hnawtchhuak (evict) sela, an chenna tur ngaihtuahsak (rehabilitate) bawk rawh se, an ti. Ram leh mipui tana hnawksak RRF Notification 1965 tinung leh tura Supreme Court-a Mizoram Environmental NGO Coordination (MENCO) bultuma petition thehluttute – Vanramchhuangi, VL Hrima, Romalsawma, Rongura Hrahsel leh Dr. Lalbiakmawia Ngente te hi kan dem takzet a; Environmental NGO te hi mipuite harsatna siamtu leh ram hmasawnna daltu dik tak an ni, an ti.#zabilianz NGO ten thu dik ta

#ZabilianZ July 28: "Chief Minister Lalduhoma'n tuna kan mamawh hmasa chu inkalpawhna kawng tha zawk leh tam zawk neih a ni", a ti. 9th NITI Aayog Governing Council, Prime Minister Narendra Modi hova nimina New Delhi-a neihah he thu hi Chief Minister Lalduhoma chuan a sawi a. Mizoram road density chu national avarage aiin a la hniam bik nia sawiin, Mizoram mamawh hmasa chu inkalpawhna kawng tha zawk leh tam zawk neih a nih thu a sawi a ni. Lalduhoma chuan Mizoram tan zirna, hriselna, tui, power leh faina lama hmasawnna tur a la tam thu leh administrative infrastructure indaihlohna pawh a la nasat thu pawh a sawi a. "Mizoram mipui zatve aia tam khawpuia cheng kan ni a, khawpui felfai leh leilung chhiatna laka him, state hmasawnna bulthut (growth centre) ni thei neih kan mamawh" tiin, khawpui leh thingtlang mipuite lakluh inthlau lutuk tihbo nan te, hna thar tam zawk siam a nih theih nan te 'handholding policy' an kalpui tur thu leh hemi atan hian central

#ZabilianZ July 28: Aizawl North-II bialtu MLA, Minister Dr Vanlalthlana'n nimin khan a bial chhunga Laipuitlang Local Council House-ah a bial mi ten amah an hmuh theihna remchang a siam a. A bial mi te leh a biala khawtlang hruaitu ten an mamawh leh harsatna te a hnenah an thlen. Dr. Vanlalthlana chuan nimin vek khan a biala YMA branch pahnih - Ramhlun Soth leh Laipuitlang branch te hnenah YMA Library-a dah tur lehkhabu engemawzat a pe a. Laipuitlang khawtlangin harsatna an tawh te a enpui bawk.#zabilianz #zofatehuapzo

#ZabilianZ July 28: Nimin (Inrinni) khan damdawi in hrang hrangin a tula an hman turin kohhran pawl hrang hrang thalai ten thinsen unit 356 an pe a. Civil Hospital, Aizawl-in a tula a hman atan SAY Central North Division-in unit 121 pein, thisen petu mipa 102 leh hmeichhia 19 an ni. Synod Hospital, Durtlang-in a tula a hman turin PYD (Mizoram), Durtlang bial-in unit 17 leh PYD (Mizoram), Thuampui bial-in unit 14 an pe a. PYD (Mizoram), Aibawk bial-in ZMC, Falkawn-in a tula a hman turin thisen unit 23 an pe bawk. TKP, Lunglei Chanmari bial-in Lunglei Civil Hospital-in a tula a hman atan unit 54 an pe a, thisen petu mipa 42 leh hmeichhia 12 an ni a. TKP, Champhai Kahrawt bial-in Champhai District Hospital-in a tula a hman atan unit 10 an pe a. TKP, Champhai Bethel bial pawhin Champhai District Hospital-in a tula a hman  turin thisen unit 18 an pe.#zabilianz Evangelical Church of Maraland KTP, Syhno (Zawngling)-in nimin vek khan Siaha District Hospital-in a tula a hman turin thisen unit 6

#ZabilianZ July 27: Tunhnaia inhmuthiamlo Chin National Front (CNF) leh Zomi-Re-Unification Organisation (ZRO) te chu  ZO Re-Unification Organisation (ZORO) ruahmannain vawiin khan an inbia a, thawhhona thuthlung hmasa duangin an pawm. CNF leh ZRO te hi kumin May thla khan inhmuthiamlovin, silai hial an lek a, nunna chan phah engemawzat an awm. Unau inhmuhthiamloh chu tha ti lovin, ZORO-in palai hna an thawk a, vawiin khan ZORO ruahmannain ZORO Vice President, Adviser to CM (Political) ni bawk Lalmuanpuia Punte pisa-ah ZORO President R. Sangkawia kaihhruaiin CNF leh ZRO chu inbiain, thawhhona thuthlung hmasa an duang a, an pawm nghal bawk. CNF leh ZRO thawhhona thuthlung hmasaa a lan danin, inremna tluantling a awm theihna turin a tul dan azira inbiak leh an tum a ni. #CNF LEH ZRO THAWHHONA THUTHLUNG HMASA Keini Chin National Front (CNF) leh Zomi Re-Unification Organisation (ZRO) te ni 27, July 2024-a Zo Re-Unification Organisation (ZORO) huaihawta inkawmkhawmna nei te hian uluk taka k

#ZabilianZ July 26: MPCC Vigilance Cell-in Chief Minister Lalduhoma'n CBI general consent pek chungchangah Mizoram Peoples' Forum (MPF) hruaitute thudik ziktluaklo a hrilh niin an sawi a. "ZPM-in CBI hnena General Consent kan pe an tih leh MNF sorkar kaltain partial consent an pek khan danglamna pakhatmah a nei lo" an ti. Vawiin khan Aizawl Press Club-ah thuthar thehdarhtute kawmin he thu hi MPCC Vigilance Cell chuan an sawi a. MPF hruaitute hnena Chief Minister-in "CBI hnenah ram dan tharin a phut ang thlapin general consent kan pe" tia, a sawi chu thudik ziktluaklo nia sawiin, Mizoram mipui rilru hruai sual tumna a awm nia an hriat thu an sawi.#zabilianz Chief Minister leh sorkar sawisel ngawr ngawr chu an tum a nih loh thu leh mipuiin thudik an hriat theihna tura ke pen chu an tih tur leh mawhphurhna nia an ngaih thu an sawi a. Chief Minister-in 'ram dan tharin a phut' a tih chu lndian Penal Code, 1860 thlaktu Bharatiya Nyaya Sanhita, 2023 nia a l

#ZabilianZ July 26: Congress party political session, Congress Bhavan, Aizawla vawiina neihah MPCC Adviser John Siamkunga'n "Kan ramin a mamawh ber chu sum enkawl thiam a ni", a ti. MPCC Adviser chuan kum 2008-a Congress an sorkar khan rethei takin bul an tan niin a sawi a, "VIP quota zawng zawng kan surrender a, mi hriat phak bakin kan tuar ve a ni" a ti a. Kum 2018 a lo inher chhuah chuan Mizoramin sum lama harsatna a tawh thin chu an sukiang thei ta nia sawiin, "Finance Commission pawh an lawm hle a ni" a ti bawk. John Siamkunga chuan "Kan sorkar chu a tla ve leh ta a, party dang an rawn sorkar a, Mizoramin sum lamah harsatna nasa tak kan tawk chho leh ta a ni" a ti a. "ZPM an sorkar a, kum khat em pawh an la sorkar hmain sum tam tak an puk belh a, Mizorama la thleng ngai lo, kan budget Rs. vbc 14412 a nih laiin leiba Rs. vbc 14034.76 kan nei thei hi a mak hle a ni" a ti.#zabilianz Sorkarin inrenchem a kalpui dan pawh mak a tih t

#ZabilianZ July 26: A hun leh nî te han chhui kîrin a kum thumna (3-na) cham kan lo thleng leh ta reng mai, ṭhenkhat chuan 26th, 07, 2021 hi enge a pawimawhna kan hre tawh lo maithei; He Ni ngei hi a ni ramri fello vanga Assam Police leh Mizoram Police te inkah Ni kha. He inkah Ni hi a cham dâwnah hian ka la ziak ziah a, lungthu kim nan khaw'nge tlem ka han ziak leh teh ang. A hmasaberah chuan kha inkahnaah khan kan lamah Lal Isua ṭang lo se nunna chân kan nei nual ang; Inkah laia kan SP Pu Lalfaka dinhmun te kha a va hlauhawm em! Goliatha ang maia palian zâwk leh thuam famkim nena lo thawk, chapo taka kan Police te duty post min hnehchhuhtu Assam lam khan kha mi ni la la khân mi paruk (6) an chân asin! Ṭawngṭaina chhang ṭhîntu Pathian ropui ber a che kan ti lo thei lovang. Ka ngaihtuahlêt châng hian kha inkah ni hma lam leh a hnu zêla Mizoram tan leh Hnam tana theihna zawng zawng sêng ngam Chief Secretary Pu Lalnunmawia Chuaungo (IAS) kan nei tlat te kha a va fuh em; amah bâkah Va

#ZabilianZ July 26: Mamit Truck Owners Association-in Hachhek biala pawl hrang hrang te ngenna hrethiam lovin Hachhek bial lam atanga lirthei kal eng chi pawh Mamit tlan tlang an remtih bik loh tur thu thuchhuah siamin an tarlang. NH-44A Darlak - Tuidam (Via Sabual lui) kawng chhe lutuk chungchangah July ni 23, 2024 khan Taitesena Group YMA, Langkaih Group YMA Hachhek MLA biala VC te, political party aiawh, Hachhek bial Maxicab Welfare leh Langkaih Balu phur Welfare aiawh te chu inrawnkhawmin, kawng chhia siamthat thuai a nih theih nan lirthei lian (HMV leh MMV) te chu he kawng siamthat a nih hma chuan July 25, 2024 atangin he kawng hi zawh rih lo turin an ngen a. Hei hi hrethiam lovin Mamit Truck Owners Association chuan nimin July ni 25, 2024 khan thuchhuah siamin an chhanglet a ni.#zabilianz Mamit Truck Owners Association chuan Hachhek bial chhunga pawl hrang hrang ten an ngenna chu hriatthiam har an tih thu an thuchhuahah chuan an tarlang a. "Hei hi Superintendent of Police, M

#ZabilianZ July 26: Tunlai khawvelah chuan tu te pawhin 'zalenna' a bikin mimal zalenna kan chawivawng tawh hle hlawm a. Hetih rual hian kan zalenna hman dan tur lam erawh kan ngaipawimawh lutuk lo niin a ngaih theih. Mi tam tak chu mimal zalenna hman dik tawk loh avangin mualphona khurah te an tlukluh phah hial a, mi huatrawn hlawh ta hial te pawh an awm bawk. Kan mimal zalenna hi midang te tana hnawksak zawng emaw, midang taksa leh rilru hliam zawng emawa kan hmang a nih chuan 'zalenna hmang diklo' kan ni tih kan inhriat thar fo a pawimawh awm e. Kan nitin nunah social media a mikhual ta lo hle a, mitin deuhthawin mahni inchhung lum atanga vantlang hriata kan mimal zalenna lan chhuahtir theihna kan hum ta fur mai. Tunhma aiin mimal zalenna hman dik loh palh theihna kawng a tam a, kan fimkhur zual sauh sauh a tul tihna te pawh a ni ang.#zabilianz "A rilru a te, a tuang a chhah lo em mai" kan tih fo tawh chuan kan zalenna hmansualna kawng kan zawh tan a ni tih

#ZabilianZ July 25: MPCC Treasurer Dr. Lalmalsawma Nghaka'n "Zoram hmun hrang hrangah êng kan nei chhe lutuk" tiin, a ngaimawh thu Power & Electricity Dept-a Chief Engineer a hrilh. MPCC Treasurer leh MPCC hruaitu dang ten vawiin khan P&E Chief Engineer hmuin, mipui ten tha zawka kawlphetha an neih theih dan tur an sawipui a. MPCC Treasurer Dr. Lalmalsawma chuan Aizawl khawpui chhung ngeiah pawh veng ṭhenkhat chu nikhatah vawi sawm chuang te an thim nia sawiin, "hei hian electric hmanga eizawng chhungkaw engemawzat a nghawng" a ti a. Electric eng ṭha zawk nei thei tura hma la turin P&E Chief Engineer chu a ngen. Electric hmanga eizawng chhungkaw tam tak chu eng an hmuh ṭhat loh avangin an eizawnna bakah an khawl neih chhun te pawh a chhiat phah niin MPCC Treasurer chuan a sawi a. Eng a tha lo hle chung pawhin eng chhit man a hniam phah lo pawh mak a tih thu sawiin, hemi kawngah pawh hian hma laksak turin P&E Chief Engineer chu a ngen bawk. Fur kh

#ZabilianZ July 25: Lawngtlai District Petroleum Dealer ten an sumdawnnaa harsatna an tawh hrang hrang te chinfel a nih hma chuan July ni 29, 2024 atangin tuialhthei lakluh chhunzawm rih loh an tum. Lawngtlai District-a Petroleum Dealer te chuan thuchhuah siamin, an sumdawnna kawnga harsatna siam thei zawngin pawn lam mi nasa takin an inrawlh niin an sawi a. Harsatna an tawh tam tak te chu mipuiin harsatna an tawh loh na turin ngawih bopui thin mahse, tha taka sumdawng thei tura zalenna an neih te diklo taka rahbehsak an nih chhoh tak avangin hma an la ve ta niin an sawi. Oil Marketing Company guideline-in a phalsak anga engemawchen harsatna liantham tawk lova sumdawnna an kalpui tawh laia harsatna an tawk chho ta fo chu pawi an tih thu an sawi a. "Hleih nei taka rorelna awm thin te, kan customer ten hmun hrang hrangah harsatna an tawk ta fo mai te hi a tha kan ti lova, kan sumdawnna pawhin nasa takin a tawrh phah a ni" an ti. Lawngtlai District Petroleum Dealer te chuan Oil

#ZabilianZ July 25: Mizoramin hruaitu ropui tak tak kan nei tawh a - Pu Ch. Chhunga, Brit. T Sailo, Pu Laldenga, Pu Lal Thanhawla leh Pu Zoramthanga te hnu ah Pu Lalduhoma a lo lang ve leh ta bawk. Kan hruaitu neih tawh ten an phak ang tawk tawkin ram tan theihtawp an chhuah theuh a, sulhnu ropui tak tak nei, mi bik, dah hniam theih hauh loh vek an ni. Chutih rual chuan sulhnu duhthusam kim lo lai nei te an ni ve vek bawk ang. Tuna lo lang ta, kan Chief Minister nilai Pu Lalduhoma hian zuanglawr nih a hlawh viau laiin, tum a nei a, a tumah a chiang a, a tum chu hlen theih dan kawng a zawng a, a tumruhna, a beidawn duhlohna avangin tun dinhmuh hi a thleng ta ni te pawhin a ngaih theih awm e. A kaihhruai sorkar thar laka mipui beiseina san zia hretu vek kan ni. Amah leh a kaihhruai sorkar laka kan beiseina sang tak te a hlawhtlin theihna tur chuan mipuite pawhin tih tur kan nei ve anga, amah leh a khawnbawl te an pawimawh ang thovin an kaihhruai mipui te pawh kan pawimawh ve a ni tih kan

#ZabilianZ July 24: NH-44A Darlak - Tuidam (Via Sabual lui) kawng chu siamtha tura hmalak mek nia thudawn a ni a. He kawng chhe lutuk chungchangah hian nimin khan Taitesena Group YMA, Langkaih Group YMA, Hachhek MLA biala VC te, political party aiawh te, Hachhek bial Maxicab Welfare leh Langkaih Balu phur Welfare aiawh te chu inrawnkhawmin, a ṭul anga hma la turin Taitesena Group YMA leh Langkaih Group YMA OB te an ruat a ni. Thudawnnain a sawi danin, Darlak leh Tuidam inkar kawng NH-44A/108 chu peihfel a la nih loh avangin kawng hlui lam (via Sabual lui) lam chu khualzin te zawh ber a la ni a. Kawng a zim avang leh a chhiat em avangin chetsual palh pawh a hlauhawm rih hle. Darlak - Tuidam kawng hlui (Via Sabual lui) lam cheithat na tur - one time improvement estimate Rs. vbc 4.89 chu ministry-ah thehluh niin, sanction nghah mek nia thudawn a ni a. Sum sanction nghah chhunga kawng chhe zual cheina turin PWD Minister Vanlalhlana'n hma lain, 5054 (R&B) head hnuaiah Rs. nuai 101.9

#ZabilianZ July 24: Aizawl khawpuiah traffic jam a nasa tulh tulh a, sorkar apiangin Aizawl traffic jam tihziaawmna tur hria an inti a, sorkar tawh reng rengin Aizawl traffic jam tihziaawmna tur nia sawia an hmalaknate erawh "Reilote chhung atana nachhawkna ang chauh vek a la ni" ti ila kan uar lutuk awm love. Lirthei intlanchhawkin traffic jam a tiziaawmlo tih a chiang tawh a, a tiziaawmlo mai ni lovin traffic jam a ti zual sauh zawk nia ngaih theih a ni hial. Khawpui chhung kawng kual leh pengthuamte siksawi a ni a, lirthei park na hmun tur te buasaih belh a ni a, PAHOSS te kan hre chho zel, heng te hian awmzia a nei a nih pawhin reilote atana 'nachhawkna' ang chauh a ni ang. "Kan sorkar neih tawh te hian an term chhunga buaipui daih tawk vel chauh zel an buaipui" te pawh ti ila a dik thui viau awm e.#zabilianz Enge kan mamawh ni ta ang? A chhanna tam tak awm thei zinga pakhat chu 'Khawpui kan mamawh belh - khawpui zauh hawk a tul- tih hi a ni awm e. K

#ZabilianZ July 23: MZP General Headquarters, Executive Committee vawiina thukhawmin, an huntiam chhunga zirlai ten zirlaibu an dawn kim loh chuan na taka hmalak an rel. MZP chuan zirlaibu a thlawna sem tur la sem zawh loh chungchanga an hmalakna kal zelah RTI hmanga zawhna chhanna atangin zirlaibu la dawng lo 1270 an la awm tih a lan thu an sawi.#zabilianz Zirlaibu la dawng lo sikul an la awm chungchangah 'Printing & Stationery Minister pawh a pisa-a an hmuh tawh thu MZP chuan sawiin, Education Minister pawh hmuh tum mahse, hmuh theih a ni lo niin an sawi a. "A chinfel dan kawng zawng thuai lova sorkar hmasa dem zawng ringawta tawngkam a nei hi hriatthiam harsa kan ti hle, an ti. August ni 31, 2024 (Inrinni) ral hma ngeia zirlaite chanvo a thlawna lehkhabu dawn tur an la dawng kim lo a nih chuan na taka hmalak ni se" tiin, MZP hruaitute thukhawm chuan an rel a ni.#zabilianz #zofatehuapzo

#ZabilianZ July 23: NH-44A Tuidam - Darlak (Via Sabual lui) kawng chhia chungchanga hmalak dan turah vawiin khan -Taitesena Group YMA, Langkaih Group YMA, Hachhek MLA bial chhunga VC te, political party aiawh te, Hachhek bial Maxicab Welfare leh Langkaih Balu phur Welfare aiawh te chu YMA Run, Kawrthah Hmar veng-ah an inrawnkhawm a. Kawng siamthat a nih thuai theihna tura a ṭul anga hma lo la turin Taitesena Group YMA leh Langkaih Group YMA OB te an ruat.#zabilianz He kawng hi lirthei lian tak phei chuan zawh ngam chi a ni rih lo nia sawiin, lirthei lian (HMV leh MMV) te chu he kawng siamthat a nih hma chuan tunkar Ningani (July 25) atangin zawh rih lo turin an ngen a. Kawng hi a chhiat em avangin khualzin tan pawh nunna thapa zawh a ngai hial nia sawiin, thla hmasa (June) chhung pawh khan lirthei pathum chu chesualin, kawng thlangah a lum niin an sawi. Kawng chhia chu siam thuai a nih loh chuan chhiatna nasa zawk thleng thei reng a nih thu an sawi a. Siamthat thuai a nih theihna tura

#ZabilianZ July 23: Party dang ang lo takin sorkar lai party-in Val Upa Council (VUC) an nei a. Mizo khawtlang nuna Val upa nihna leh an tih tur te chu kan hriat sa theuh a ni. Sorkar lai party-a Val upa te hian mipui beisei ang leh kan hnama Val upa te nihphung an phawk chhuak zo lo hle ni a ngai tam tak an awm niin a lang. ZPM party-in an lo sawi thin danin VUC chu sorkarna an chan pawha sorkara nihna. chanvo leh hamthatna dang dawng chuang lova sorkar thurawn pe a, sorkar kal sual tur vengtu tur an ni. Heti a nih avang hian mipui lamah pawh kalphung thar sorkar ah chuan sum tam tak senga adviser inruat ang chi awm lo tura ngai tam tak an awm.#zabilianz ZPM party-in thla sarih chu sorkarna an chelh chho ta a. Adviser bakah tul lem lova ngaih consultant thlengin an inruat chho ta viau mai leh VUC in awmzia an nei tak tak lova ngaih theih tur thil awm palh thinin an laka beiseina sang tak nei mipui tam tak beisei an pha lo tan nia ngaih theih te pawh a ni. Chief Minister la ni ngai lo

#ZabilianZ July 22: Rajya Sabha MP K. Vanlalvena'n MP Fund hmanga hnathawh tura nikum lam atang tawha ruahman tawh chu tun thlengin thawh a la ni lo nia sawiin, action la tura sorkar a phut thu social media kaltlangin a sawi. Rajya Sabha MP K. Vanlalvena chuan facebook kaltlangin he thu hi vawiin khan a sawi a. "MP Fund awm sa pawh thawh tir thiam lo Mizoram Sawrkar hrawn hi a hahthlak dawn hle mai. Nikum October ni 6 a Aizawl DC hnena Work order pe tura list kan pek tawh te tun thlenga hna la thawh tir thei lo tu DC office hrang hranga mawh phurtu te chunga action la tur hian Mizoram sawrkar hi ka phut na ta viau mai" tiin Facebook-a ama wall-ah a post a ni.#zabilianz #zofatehuapzo

#ZabilianZ July 21: Mizo Writers Association (MWA)-in nimin khan Mizoram University hnuaia under graduate final year (sixth semester) exam-a Mizo subject-a pakhatna Priscilla Lalduhsaki, Pachunga University College hnenah R Buchhawna Proficiency Prize an hlân. Priscilla Lalduhsaki hi Phulpui khua, Mission Veng Aizawla awm a ni a. Rs 10,000 keng tel chawimawina - R Buchhawna Proficiency Prize hi Zarkawt Recreation Centre hall-a hun buatsaihah MWA aiawhin R Buchhawna fanu Zochhingi'n a hlan a ni.#zabilianz MWA hian kum 2008 atang khan exam hrang hranga Mizo subject-a ti tha ber hnenah proficiency prize chi li an hlan thin a - HSLC-ah Ch Pasena Proficiency Prize, HSSLC-ah Lalmama Proficiency Prize, BA-ah R Buchhawna Proficiency Prize leh MA-ah J Malsawma Proficiency Prize an hlan thin.#zabilianz #zofatehuapzo

#ZabilianZ July 19: MNF thalaiin vawiin khan Vanapa Hall kawtah ZPM sorkar hotu ten dawt chi hrang hrang an sawi nia an sawi an lakkhawm chu an hal. MNF thalai President Robert Romawia Royte chuan "Dawt hal programme kan siam hi mimal huat vang emaw intihmualpho tumna lam ni lovin, dawt sawi chu kan hnam leh sakhaw tan a thatloh avangin dawt duh loh lantirna atana ti kan ni" a ti a. Sorkar hotute pawhin insiamthatnan hmang se a duh thu sawiin, "MNF party ngei pawh hian insiamthat bultan nan he dawt hal programme hi i hmang tangkai ang u" a ti bawk. MNF thalai Vice President-in dawt hal list chungchang sawiin, "tuntumah hian dawt 100 hal a ni a, dawt a ni ngei tih finfiahna document leh video kan nei vek, a ti. MNF thalaiin ZPM hruaitu ten dawt an sawi nia an tarlan 99 an hal te chu : 1. ZPM Chief Minister chuan car pakhat bak a mamawh ve dawn lo. 2. MLA fund party unit inhlawh nan kan hmang ve lovang. 3. Khawvel puma Zohnahthlak te enkawltu tur Minister incharg

#ZabilianZ July 19: Hreipui hmanga Sakei a chehhlum avanga Mizo nu, India mihuaisen chawimawina dawng thei Pi Zadingi chuan, a pasal-in cancer natna avanga chatuan ram a pan atanga a kum 3-na champha vawiin chhun dar 12:25 khan Buarpui khuaa an chenna in-ah cancer natna avang bawkin chatuan ram a pan. Lunglei district, Buarpui khua-a cheng, kum 72 mi Pi Zadingi hi kum 2021, August-ah cancer a ni tih hriat a ni a. Theihtawpa enkawl chhoh ni mahse, chaklo chho tial tialin vawiin khan chatuan ram a pan ta a. Zaninah lumen a ni ang a, naktuk chhun dar 12 ah an chenna in-ah vui a ni ang. Kum 2021, July ni 19-a cancer natna avanga chatuan ram pan ta a pasal Pu PC Lalthanmawia nen fa 4 (mipa 3 leh hmeichhe 1) an nei.#zabilianz Pi Zadingi hian kum 27 mi chauh a nih lai, kum 1978, July ni 3 khan thingphura a ramkalna ah Sakei nen intawngin, Sakei chu Hreipui hmangin a chekhlum a. He a thil tih avang hian kum 1980 ah India mihuaisen chawimawina 'Shaurya Chakra' chu India President hnen a

#ZabilianZ July 18: Congress party thalai (MPYCC) hruaitu ten vawiin khan School Education Minister Dr. Vanlalthlana hmuin, sorkar school zirlaibu indaihlohnaah a rang thei ang bera hma laa, lehkhabu nei kim lo te hnena lehkhabu pe kim thuai tura ngenna an thehlut. MPYCC chuan tun thla ni 15 atanga school hrang hrang zirlai ten first term exam an tan tawh hnu pawha sorkar sikul (primary & middle, govt. aided) zirlaibu la dawng kimlo school 1270 chuang an la awm chu pawi an tih thu leh Mizoram zirna sawpchhiatna nasa tak a thlenga an ngaih thu an sawi. MZP-in Samagra hnuaia middle school leh primary school, zirlaibu la dawng kimlo a tarlan danin, school 1270 (primary school 581 leh middle school 689) an la awm niin MPYCC chuan an sawi a. Aizawl district-ah zirlaibu la dawng kim lo school 309 (primary school 173, middle school 136) an awm thu an sawi a. Aizawl Municipal Corporation huamchhungah zirlaibu la dawng lo school 100 chuang zet an la awm niin an sawi.#zabilianz Congress thal

#ZabilianZ July 18: Darlak leh Tuidam inkar kawng harsatna chungchangah vawiin khan Mamit District MJA member ten Mamit SP Lalthangpuii Pulamte an hmu a. He kawng chhia avanga lirthei tlan dan tur ruahmanin zawm a hlawh tawk lo nia an hriat thu SP chu hrilhin, hmalak zui dan tur te an sawipui. Mamit district MJA member te chuan Darlak leh Tuidam inkar kawng chhiat vanga mihring leh lirthei himna tura lirthei tlan dan tur ruahmanna July ni 1, 2024 a tih chhuahin zawm a hlawh tawk lo nia an hriat thu Mamit SP chu an hrilh a. Thupek zawm a nih ngei theihna tura duty dah turin an ngen a. He kawnga intlanchhawk dan tur ruahmanna siama thupek chhuah ni mahse, duty dah an ni lo chuan thupek zawm a hlawh loh phah nia an hriat thu Mamit dist. MJA member te chuan an sawi. Mamit SP Lalthangpuii Pulamte chuan Darlak leh Tuidam inkar kawng chhia avanga harsatna thleng chu an lo hriat thu leh tukin dar 5 atanga duty an dah thu MJA member te chu a lo hrilh a. Tuna ruahmanna chuan awmzia a nei tam lo

#ZabilianZ July 18: Aizawla cham mek Union Minister of State for Agriculture and Farmers Welfare Bhagirath Choudhary chu nizan khan BJP Mizioram State President Vanlalhmuaka nen State Guest House, Aizawl-ah an inkawm a. Mizorama loneitute harsatna tawh mek leh Mizoram loneitute tihhmasawn dan tur an sawidun. BJP thuchhuahin a tarlan danin, BJP Mizoram State President Vanlalhmuaka chuan Mizoramin hma a sawn theihna tur chuan Mizoram mihring zaa 75 loneitute chu eizawnna ngelnghet siamsak hmasak a tul thu Union MoS chu a hrilh a. Mizorama loneitu an thlai thar hralh leh sawngbawl kawnga harsatna an tawhte leh transportation-a harsatna an tawh te, thlai chinna tihchangthlunna atana soft loan/KCC loan an mamawh dan te, loneitute tana Central sorkar scheme, Mizoramin FPO a kalpui dan a hlawhchham thu te pawh a sawipui.#zabilianz Khuarel chhiatnain loneitute hmunhma a tihchhiat avanga chhawmdawl an tul thu te leh Mizoram loneitute leh kuthnathawktute tan state sorkarin sum hman tur a neih lo

#ZabilianZ July 18: Mission Organic Value Chain Development for North Eastern Region (MOVCD-NER) hnuaia Khawzawl district-a Lakhuihthei chingtu intelkhawm pawl - Tuichangral Organic Farmer Producer Company Ltd. te Lakhuihthei thar zawrh chhuah runpui, tun thla ni 26 thleng awh tur - Pineapple Bonanza' chu Agriculture Minister PC Vanlalruata'n vawiin khan Millennium Centre tual zawl-ah a hawng. Tuichangral FPC-ah hian Khawzawl district-a Lakhuihthei chingtu khaw pariat - Chalrang, New Chalrang, Vangtlang, Khawhai, Sialhawk, Tlangmawi, Tlangpui leh Lungtan te an tel a. 'Pineapple Bonanza' hi August 2022 atang khan MOVCD-NER hnuaia Mizoram-a Service Provider - Clover Organic Pvt. Ltd. hmalaknaa buatsaih tan niin, State Lead Agency - Mission Organic Mizoram, Agriculture Department nen tangkawpin, kumtin an chhunzawm chho ta a ni. 'Pineapple Bonanza' neih chhung hian Lakhuihthei metric tonne 8 hralh chhuah theih an inbeisei a. Tuichangral FPC te Lakhuihthei chin hi G

#ZabilianZ July 17: Mizo Zaimi Inzawmkhawm (MZI) Gen. Hqrs. leh District hrang hranga MZI ten Cyclone Remal avanga chhiatna tuar te tana vehbur an khawna sum tlingkhawm Rs. 4,62,121 chu vawiin khan MZI Gen. Hqrs. hruaitu ten chhiatna tawk nasa venga YMA branch te hnenah an sem. Cyclone Remal tuar nasa veng hrang hrang, MZI-in tanpuina an pek te hi - YMA, Salem Veng branch, Aizawl hnenah Rs 50,000; YMA, Melthum branch, Aizawl hnenah Rs 2,15,000; YMA Hlimen branch, Aizawl hnenah Rs 1,57,121 leh YMA Aibawk branch hnenah Rs 40,000 te a ni. Tanpuina sum thawhtu zawng zawng te hnenah MZI chuan lawmthu an sawi.

#ZabilianZ July 08: Zo Re-Unification Organisation (ZORO)-in Bangladesh-a awm Zofa te, Mizorama raltlan te chungchanga Mizoram sorkar hmalak danah lawmthu an sawi. ZORO chuan thuchhuah siamin, "Kuki Chin National Front leh Bangladesh Sorkar-ah inhmuhthiamlohna a awm avanga Bangladesh-a awm, kan unau, an sahimna zawnga Mizorama rawn raltlan te Border Security Force (BSF)-in Bangladesh-a thawnkir leh turin hma an la a, June thla tir pawh khan thahnem tak an thawnkir tawh a, tun thla ni 4 khan Damdep II-a rawn lut thahnem tak an awm leh" an ti a. BSF-in July ni 5, 2024 khan thawnkir leh turin ramri phur thleng hman leh mahse, Delhi-a cham mek Chief Minister Pu Lalduhoma hmalakna avangin thawnkir an ni rih ta lo niin an sawi. Bangladesh atanga Zofa Mizorama raltlan te hi tukin khan Chamdur Project khua thlenpui niin, hetah hian tihfel ngai te tifelin, an awm zel dan tur pawh thuneitu ten an ngaihtuah dawn niin ZORO thuchhuah chuan a tarlang. ZORO chuan "Bangladesh atanga an

#ZabilianZ July 08: Vawiin ni 8.7.2024 (Thawhtanni) khan Congress thalai hruaitute chuan Kolasib district-a Kuhva chingtute dinhmun leh tunhnaia Vairengte leh a chhehvela Foreign Kuhva Smuggling kudam-a dah Kuhva ip 5741 a ruka lakbo te an enfiah. Kuhva tawlhruk man khawm dahna tlawhtu MPYCC Senior Vice President Ngurdingpuia Pachuau chuan, Mizorama Kuhva chingtu ten rim tak leh hah taka an thawhrah hralh an hleitheilo pawi a tih thu sawiin, "dan lova Kuhva tawlhrutute avanga harsatna namenlo an la tawk reng chu pawi kan ti a ni" a ti a. "Vairengte, Bilkhawthlir leh Hachhek bial Kuhva Ching Association ten sorkarin action mumal taka a lak ngam loh avanga mahni ram ngeia chanvo nei ve lova an inngai hial tawh hi a lungchhiatthlak takzet a ni", a ti. MPYCC Senior Vice President chuan Myanmar atanga Kuhva tawlhruk dahkhawmna Kudam chu June ni 26, 2024 khan Vairengte, Bilkhawthlir leh Hachhek bial Kuhva Chingtu Association leh Kolasib SDPO hova endik a nih thu sawiin, K